ذ الوساني مانولي••عن گول الكيفان
بي منت أفلان ذِلي••خــوهَ ول افلان
آن وانت لالگان
ملان لثنين
تحكي لي ش زين وان
نحكيلك شي زين
غـالبني يالبالْ تخوَ •• من ليعاتك ذوك
گدع وزرگ فيك رخوَ •• ذ كَامل مدروكْ
گلتي يغلّ غيد جيلي••عنِ منك مَالْ
لاتيتِ تتفايليلـي•• ذ نوع من الفالْ
من گلت ملگاك ملت
روحي يل نهواك
و اعرفت ال بين گلت
ملگاك و ملگاك
گد امنين انروز كان
نمش و انخليك
ذهوانَ گاع مانِ
خالگ ماهُ بيك
بايت طول اليل واعي
سهرني الحزيم
كون اسهرت ولا تراعي
فيّ باط الريم
ابليس الّ فيك داسر
متّن فيك العين
حسك زين ، وفيك ياسر
ماه حسك زين
من متنْ اتشيشير يَـانَ••شكيتْ أنِ گاعْ
مانتليعْ تيت و آن••نفنَ فالتليَـاع
#لغن
#التبراع
#تبراع
#طلعه
تعليقات