تطلاع گاف الاديب الكبير الدكتور: محمد ول احظانا رئيس اتحاد الكتاب المورتانيين.
مات الكفية شور آدرار @@ غير انا من تفگادي
شفت الكفية فأنواودار @@ ؤ شفت الكفية فأنگادي.
تفگاد الكفية فات رادْ *** الله اعلنّو فات باد
بيّ و امجلّج فات عاد *** حزمو فيّ متمادي
و أمن اتماديه اللي انزاد *** و انزادو بيه أوجادي:
انشوفو واعي عت زاد *** ؤ عت انشوفو فأرگادي
و أنشوفو فأللي بين واد *** درْعهٓ و أحسيْ أمهادي
و أنشوفو فأزواد و آدْ *** را ر و شلخة حمّادي
و أنشوفو عت إلى اتراد *** ذا الگاف ألماهو عادي
مات الكفية شور آدرار @@ غير انا من تفگادي
شفت الكفية فأنواودار @@ ؤ شفت الكفية فأنگادي
تعليقات